Ongi etorri Interneteko nire txoko honetara. Asier Ruiz Guinea naiz. Atari honen bidez GeoGebraz nik egindako hainbat eraikuntza partekatu nahi ditut. GeoGebra geometria, aljebra, analisia eta kalkulua uztartzen dituen software libreko programa da eta, gehien bat Matematika irakasteko erabiltzen bada ere, beste arlo batzuetan ere erabil daiteke; Fisikan, esate baterako. GeoGebra Lehen Hezkuntzan zein Bigarren Hezkuntzan erabil daiteke. Atari honi dagokionez, DBHn zein Batxilergoan erabilgarriak diren eraikuntzak aurkituko dituzu.
GeoGebrak hainbat abantaila ditu: Oso intuitiboa da, ariketak ebazteko, propietate matematikoak azaltzeko eta frogapenak egiteko erabil daiteke, pedagogiara zuzenduta dago eta hainbat sari jaso ditu horregatik, debaldekoa da...eta euskaraz dago! Programaren abantailei buruz gehiago luza ninteke baina, besterik gabe, nik egindako eraikuntzekin uzten zaitut GeoGebraz zer nolako gauzak egin daitezkeen ikus dezazun. Erabilgarriak izatea espero dut!
NOLA NABIGATU
Atari honetako eraikuntza dinamikoak bilatzeko hainbat modu daude. Edukiak behatzeko modu erabilgarriena 'Baliabideak', 'GeoGebra-gidak' eta 'Matematika EPEa' ataletako aurrebistadun aurkibideak erabiltzea da. Aurkibide horietan eraikuntzak gaika sailkatuta egoteaz gain, beraien ikono txikiak (aurrebistak) ikus ditzakezu eraikuntzak ireki behar izan gabe.
Horrez gain, harrera-orri honen eskuin aldean ,'Azken eraikuntzak' izeneko eremuan, atari honetara igotako azken baliabideak ikus daitezke. Horrela, atari honen erabiltzaileek erraz jakin dezakete baliabide berririk dagoen ala ez baliabide guztiak ikuskatzen ibili behar izan gabe.
Azkenik, artari honen goiburuan ezker aldean bilatzailea dago. Demagun atari honetako ikusi dugun eraikuntzaren bat berriz aurkitu nahi dugula baina ez dugula gogoan zer gairen barruan zegoen ezta zer label dituen ere. Eraikuntzaren izenaren zati bat gogoan izanez gero, horren bidez aurki dezakegu. Adibidez, ‘Puzzle irristagarria’ eraikuntza aurkitzeko aski izango litzateke ‘puzzle’ hitzaren bidez bilatzea.
OHAR GARRANTZITSUAK
GeoGebra-eraikuntzak ikusi ahal izateko Java eguneratuta izan behar duzu.
Horrela ez bada, atari honen eskuin aldean, 'GeoGebra-hodeia' izeneko eremuan, Java eguneratzeko esteka duzu.
Bestalde, atari honen eta eraikuntzen zabalerak 1330px eta 1285px dira, hurrenez hurren.
Hori dela eta, atari hau ikusteko gomendatzen ditudan pantaila-tamainak
(pixeletan neurtuak) 1366x768 eta 1920x1080 artekoak dira. Gaur egungo
portatilen pantailen erresoluzio hedatuena 1366x768 da eta ataria osorik
ikusteko aukera ematen dute. 1280x800 eta 1280x1024 erresoluzioen kasuan eraikuntzak
ia-ia osorik ikusi ahal izango dituzu, nabigatzailearen barra
horizontalarekin zentratu eta gero. Zure pantailaren erresoluzioa lehen aipatutakoak baino txikiagoa bada, atari honen edukia handiegi ikusiko duzu eta atariaren eduki osoa
ikusteko barra horizontala ezker-eskuin mugitu beharko duzu.
Ataria ikusteko Google Chrome nabigatzailea erabiltzea gomendatzen dut.
GEOGEBRA-BERRIAK
GeoGebrarekin lotutako hainbat berri aurkituko dituzu hemen, dataren arabera ordenatuta; hala nola, GeoGebraren bertsio eta ezaugarri berriak, Euskal Herriko GeoGebra-institutuarekin lotutakoak (antolatutako jarduerak, euskaratutako GeoGebra-gidak e.a.), atari honen ingurukoak...Gehiago jakin nahi izanez gero, egin klik irakurri nahi duzun berrian irakurtzen jarraitu ahal izateko (izenburuaren azpian ezkutuan dagoen informazioa azalduko da).
Euskal Herriko GeoGebra-institutuak beste GeoGebra-gida bat euskaratu du: ´3 Dimentsiotan Grafikatzeko Gidak´.
Egin klik irudian '3 Dimentsiotan Grafikatzeko Gidak' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´Kalkulagailu Zientifikorako Gida´.
Egin klik irudian 'Kalkulagailu Zientifikorako Gida' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebraren Lan-orriaren Editorea´.
Egin klik irudian 'GeoGebra-liburuaren Editorea' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebraren Lan-orriaren Editorea´.
Egin klik irudian 'GeoGebraren Lan-orriaren Editorea' GeoGebra-liburua irekitzeko.
'MATEMATIKA EPEa´ izeneko atal berria dugu atarian. Bertan, hezkuntza-sare publikoan matematika-irakaslea izateko oposaketako 1. faseko zati praktikoa prestatzeko baliagarriak izan daitezkeen hainbat ariketa erabat ebatzita aurkituko dituzu.
Egin klik irudian 'MATEMATIKA EPEa' atalera joateko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra-azterketa´.
Egin klik irudian 'GeoGebra-azterketa' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra-taldeak´.
Egin klik irudian 'GeoGebra-taldeak' GeoGebra-liburua irekitzeko.
Orain arte atari honetako eraikuntzak ikusteko modu bakarra eraikuntzen esteka izatea zen. Hemendik aurrera ikusgai egongo dira GeoGebraTuben. Atari honetako GeoGebra eraikuntzaren baten jatorrizko .ggb artxiboa jaitsi nahi baduzu, egin hurrengoa: Idatzi 'Asier Ruiz Guinea' GeoGebraTubeko bilatzailean eta iragazkian 'Liburuak' aukera erabili. Horrela, nire GeoGebra-liburu guztiak azalduko zaizkizu. Aukeratu nahi duzun liburua (Matematika, Fisika...) eta han bilatu nahi duzun eraikuntza.
Edo bestela, egin klik hemen eta GeoGebraTubeko nire profila eta baliabide guztiak ikusi ahal izango dituzu.
Euskal Herriko GeoGebra-institutuak beste GeoGebra-gida bat euskaratu du: ´GeoGebra Kalkulagailu Grafikoa´.
Egin klik irudian 'GeoGebra Kalkulagailu Grafikoa' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra Probabilitatea eta Estatistikarako Gida Azkarra´.
Egin klik irudian 'GeoGebra Probabilitatea eta Estatistikarako Gida Azkarra' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra CAS Kalkulagailurako Gida Azkarra´.
Egin klik irudian 'GeoGebra CAS Kalkulagailurako Gida Azkarra' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra Kalkulu-orrirako Gida Azkarra´.
Egin klik irudian 'GeoGebra Kalkulu-orrirako Gida Azkarra' GeoGebra-liburua irekitzeko.
Euskal Herriko GeoGebra-institutuak beste GeoGebra-gida bat euskaratu du: ´GeoGebra 3D Geometriarako Gida Azkarra´.
Egin klik irudian 'GeoGebra 3D Geometriarako Gida Azkarra' GeoGebra-liburua irekitzeko.
Aurreko berrian esan bezala, Euskal Herriko GeoGebra-institutuak GeoGebra-gidak euskaratzen dihardu eta beste gida bat euskaratu du: ´GeoGebra Geometriarako Gida Azkarra´.
Egin klik irudian 'GeoGebra Geometriarako Gida Azkarra' GeoGebra-liburua irekitzeko.
Orain dela gutxi arte euskaratutako azken GeoGebra-gida 2.5 bertsioari dagokion gida azkarra zen. 5.0 bertsioak ingelesez dauden zazpi gida azkar ditu GeoGebra-liburu formatuan. GeoGebra-gida saila horren lehenengo liburuak 'GeoGebra Aljebrarako eta Grafikatzeko Gida Azkarra' izena du eta euskaratuta dago dagoeneko. Hurrengo asteetan, poliki-poliki, beste bost gidak euskaratzeko asmoa du Euskal Herriko GeoGebra-institutuak. Beste gidaren bat euskaratuta dagoenean berria atal honetan agertuko da.
Egin klik irudian 'GeoGebra Aljebrarako eta Grafikatzeko Gida Azkarra' GeoGebra-liburua irekitzeko.
GeoGebra-taldeak, beti bezala, atseden gabe lanean jarraitzen du eta GeoGebrarekin lotutako bi tresna / ezaugarri berri ekarri dizkigu:
GeoGebra-taldeak: GeoGebra erabiliz ikasleek eta irakasleek taldean lan egiteko plataforma.
Hemendik aurrera Euskal Herriko GeoGebra Institutuak sortu berri duen profilean kalitate handiko baliabideak partekatuko ditu GeoGebraTuben. Sar zaitez GeoGebraTuben eta bila ezazu Euskal Herriko GeoGebra-institutuaren lauburu berdea!
Egin klik irudian GeoGebra Institutuaren GeoGebraTubeko profila ikusteko.
Iturria.
Javak bertsio berria kaleratu berri du eta orain ez du sinatu gabeko kodea abiarazteko aukera ematen (lehen galdetu egiten zuen). Alegia, atari honetako eraikuntzak ez ziren ikusten jada (ez ditut nik egindako eraikuntzak digitalki sinatzen). GeoGebra-baliabideak dituzten zenbait web-orritan sartu naiz (Manuel Sadarena, adibidez) eta gehienetan arazo berdina dago. Horrela ba, eraikuntza guztiak banan-banan GeoGebraTubera igo behar izan ditut handik abiarazteko (GeoGebra Institutu Internazionalak sinatzen du kodea). Lan eskerga izan da baina merezi izan du. Hemendik aurrera Javak bertsio berria kaleratzen duen aldiro ez dugu arazo hori izango eta eraikuntzaren bat abiaraztean ez da baimena eskatzen zuen leihotxoa agertuko.
Web-orrialdea estreinatu du GeoGebrak. Itxuraz aldatu dute eta lehengo aukerez gain (baliabideak behatu/jaitsi, programa jaitsi, foroak, gidaliburuak...), orain eraikuntza dinamikoak on-line egiteko aukera ere ematen du.
Web-orrialdea ikusteko, egin klik irudiaren gainean.
2012tik garapenean egon den bertsio honen beta eskuragarri zegoen azken hilabeteotan baina orain kaleratu dute bertsio egonkorra. Berrikuntza aipagarriena 3D ikuspegia (eta berarekin lotutako aginduak) da eta jauzi itzela suposatzen du aurreko bertsioekin konparatuz.
Hurrengo bideoan GeoGebra 5 bertsioarekin egin daitekeenaren zenbait adibide dituzue (jatorrizko YouTubeko bideoa hemen):
Eta hemen nik egindako adibide sinple bat (erabili "Biratu 3D Ikuspegi Grafikoa" tresna eraikuntza era askean biratzeko):
Tresna/ezaugarri berrien inguruko informazio gehiago (erdaraz) hemen.
Euskal Herriko GeoGebra-institutua mapan ageri da:
Iturria.
2014ko urtarrilean lanean hasi da Euskal Herriko GeoGebra-institutua, Nazioarteko GeoGebra-insitutuaren tokiko elkartea. Udako
Euskal Unibertsitatearen baitan sortu da elkartea, eta hiru helburu nagusi ditu:
- GeoGebra software-aren euskarazko bertsioa kudeatzea.
- Matematikaren irakaskuntzarako materialak sortu eta partekatzea irakaskuntza-etapa guztietan.
- Prestakuntza iraunkorra eta ikerketa sustatzea matematikaren didaktikan.
Informazio gehiago hemen.
.png "Hasiera-orrira joan")
.jpg)
